單身配對經驗分享
Facebook
WhatsApp
歡迎分享，請列明出處
各位弟兄姊妹平安：
係基督徒配對的行業中，今年2022年已經是1+1的第10個年頭，一直都好想同大家分享一下配對遇到的人與事，配對的一些經驗，弟兄姊妹之間常見問題等等，要分享既內容之多真係可以出一本書，不過出書比較有壓力，我都係鍾意口語化咁同大家分享下。
去配對公司參加單對單配對 (俗稱婚姻介紹所)，相對比起參加交友活動、交友App等較有誠意及要求。唔係點會用幾千蚊參加配對服務呢? (歡迎了解：1+1的配對服務種類及收費)
去單身配對公司前 預先諗清楚想搵咩人
黎得1+1做單對單配對，無非都係想增加搵到啱心水既對象，有誠意對有誠意既人，相對易成事得多。但黎之前，建議先諗一諗自己對伴侶既基本要求，對方有啲咩條件係一定要有？有啲咩情況既異性您不會接受，咁樣做配對會實在好多。基本配對條件有好多，外在要求可以係身型、身高、學歷等，而內在條件可能關乎一啲性格特質、價值觀、信仰情況等等。1+1通常都係要求會員以最基本的條件去定立，唔好定一啲不設實際而又唔係必要既要求，因為咁樣反而限制左您成功搵到合適對象既機會。
單身配對其實都係您揀人 人揀您
莫道你在選擇人，人亦能選擇你。呢句野絕對係反映緊係配對行業入面，每個人都可以要求好高，每個人都想有個好條件既伴侶，而好條件既人相對係配對上亦較有優勢，所以最緊要係個人狀況及要求要懂得平衡。
配對要求要實際 單身配對的真實例子
一名身高大概150cm左右既姊妹，對對方要求學士、專業人士、身高最少180cm，啱眼緣，必須生小孩子。
由於姊妹都係專業人士，學歷也有學士學位，當時年齡大概33左右，其他沒有特別突出優勢或難以配對既問題。可是，她要求對方身高最少以180為主，係會面了解既時候，問為何有這個身高要求需要，因為姊妹本身個子比較矮小，有較大差距。當時姊妹的回覆是，覺得男士高大能給她有安全感等。由於這個要求會阻礙到佢搵到伴侶既機會，都建議姊妹作出調節，可是姊妹反倒認為，這個要求比起其他所有要求更為重要，決不退讓。咁都無辦法，我地都會照佢要求跟進。
係跟進期間，我地都有唔止一次再勸姊妹唔好堅持係呢個要求上面，因為會少左選擇，而安全感既來源並不是在身高上可以反映出黎，可以來自性格，例如責任心、價值觀等反而比起身高既條件上更加實在。可是姊妹仍然覺得高大既人先保護到佢。
堅持呢個要求上尋尋覓覓左一段時間，講緊有幾年，期間亦有同呢位姊妹講，女性既年紀都好重要，年紀越高配對既難度亦都同時提高，加上佢想生小朋友，再咁落去，唔單止講身高，連其他原先既要求都要調節。
長話短說：姊妹終於係幾年後面對現實，調節左身高要求，亦都同一位弟兄正式交往。
除掉不切實際的配對要求
有時候都會遇到一啲不切實際要求，舉個實際例子，有一位年約45歲的弟兄，信仰狀況穩定、有主見、健談、大專學歷，外型不錯，可是經濟狀況較不穩定，生活會以在適婚年紀的姊妹來說，成為一個比較大既關口。弟兄要求係溫柔、外型像某一些公認大眼漂亮女明星。
有兩樣野係做單身配對上會大大增加難度：
1. 弟兄年紀不算年輕 + 經際狀況未穩定：適婚年姊妹較期望伴侶經濟穩定，不一定要高收入或有錢人家，很多也願意公一份婆一份，只係現實情況下，經營家庭必會有固定支出，而且可能各自亦需要照顧兩老。所以經濟不穩定，比較成為姊妹考慮的地方。
了解後，因為弟兄的工作是自由工作者，生意亦不算穩定。建議弟兄可以考慮有一份穩定工作，甚至做固定的兼職也好，固定的經濟收入，或有一些儲蓄，對於日後生活遇上危機時也可以應付。
2. 不切實際的外型要求，老實說，不計其他條件，就算係街上週圍行足一日，都未必見到美貌到這程度的姊妹，何況外型條件非常好的女士，一般都不乏伴侶….更何況其他條件，信仰生活穩定又溫柔，唔係無機會，有時都會有外型條件好，信仰及性格不錯的姊妹，但較少，而且總有些因素未有伴侶，例如其要求也非常高。
找對象不要以前度情人作比較
未忘記前度男/女朋友
間唔中會聽到有啲配對會員，會用前度男女朋友同配對結果既人選做比較，呢種情況我都會問多少少，因為有可能係屬於未忘記前男/女朋友的狀態？當了解後，如果確實係咁，我都會建議唔好見住，又或者隔一啲時間再上過黎，因為對於被配對的弟兄姊妹都係唔公平。如果配對者，未放低前度，甚至用黎做比較，佢見邊個都會好大機會覺得唔適合，甚至心情會因為搵唔返前度既感覺而變得更低落。我唔排除有適合既弟兄姊妹，例如一啲比較正能量，樂天型而又合適會駕馭得到佢既情況，一路發展變好，我以一種普遍情況作例子。
前度條件太好
另一種情況係，前度條件太好，但因為唔同既原因不能夠一齊，就以前度條件作為標準。配對到，一定會配對俾您，但配對結果是以雙方要求合乎情況下得出，所以要思考，前度的好條件係咪真係必須比較實際。
搵對象要求高 提升自己有幫助
頭先講到，您揀人人揀您，大家都會考慮，想多啲機會就要提升自己，最基本都去到自己要求對方既層次。有次收到一個姊妹係電話查詢，第一句就問，我淨係想搵醫生同律師，幫唔幫到我？我係做老師既。
我當時都未知呢位姊妹佢本身條件情況，只係得要求對方職業，同佢本身做老師，根本答佢唔到。如果您都有類似既要求，甚至乎係一啲唔同既要求，您不坊先諗一諗，您覺得您要求條件既人入面，佢地會想搵咩人？
呢個係講緊最基本既第一步，而對方可能會有其他額外要求，如果您認為自己已經達到第一步條件，其實都仲要了解您多少少，您既個人條件以外，仲有無其他要求，甚至可能對方都有些狀態您都唔一定接受到。
1+1打算寫多一啲關於單身配對分享，分享一下一啲實際既配對案例，有興趣可以繼續留意我地文章架。
講住咁多先…有時間再分享多啲..
常見問題
單身配對是什麼呢?
單身配對是為單身人士尋找伴侶而設的服務，顧問會了解單身人士的狀態以及需求，為其找尋對象，互相介紹讓雙方認識的方式。1+1的服務對象是以單身基督徒為主，協助單身基督徒尋找有相同信仰的伴侶，1+1顧問透過與會員見面及了解，尋找有可能性的異性對象資料，並為單身人士作出合適的意見，增加作功率。