主內弟兄姊妹平安：

我係1+1既配對顧問同工Piano，希望大家唔好介意我用一啲比較口語化既文字向大家介紹或者打招呼，純綷係唔想花時間咬文嚼字同大家分享，始終寫野唔叻，所以…咁樣比較直接啲，而且出文章都可以快啲。希望大家唔好介意。

自己從事有10年 (1+1自2012年成立) 基督徒配對服務，期間亦有進修唔同既兩性關係課程，甚至婚前輔導認證…等等，希望可以實際地幫助有需要既弟兄姊妹。有需要既人唔一定會搵1+1或者預約我見面，無論您是否基督徒，文章內容都可以給您們多一個參考。

係我呢一篇文章出街前，其實都打左好幾篇文章，主題圍繞一些約會注意事項，配對經驗，又或者分享一下弟兄姊妹係搵伴侶上面既常見問題。有啲可能會口語化啲，可能又無咁口語化，避免大家誤會唔係我寫，所以都係度解釋返俾大家知。新既文章都會以口語化些既文字表達，有啲係舊有既文章再加以修改，所以可能同一篇都會有口語化同無咁口語化既分別，絕對唔係Copy返黎。

Piano妳咁表達內容會唔會令人覺得妳好唔專業？

都有機會架，或者睇我既內容時，用聽我既文字可能會好啲，重點係講既內容，睇我寫既內容睇得多，有機會影響您寫文章既能力，所以……

點解會寫Blog？

其實一直都想寫，只係無時間去做呢樣野，疫情關係做既跟進少左，所以即管試一試，早期少少…講緊疫情初期，同工Kay叫我拍片，佢太睇得起我….老實說，我自己睇都覺得幾悶，自己翻睇左一分鐘都悶到交叉左佢…係有少少唔自然既，不過都叫做有啲新嘗試，對住個鏡頭同平日互人互動始終係有啲分別，面對面同弟兄姊妹有互動比較多，有機會下次搵埋Kay幫手一齊拍可能會好啲…

1+1配對同工Piano Lam