男仔應該請食飯? 約會AA制可以嗎?
Facebook
WhatsApp
歡迎分享，請列明出處
男士在約會應該請食飯的迷思
約會食飯究竟應該男士請還是AA制？呢個問題好多年都有人問，究竟男士係咪約會一定要請食飯？唔請就無風度？定係調返轉，女仔要人請食飯，勢利又港女？究竟係點？既然咁多人問，又咁多人講，不如我地又一齊探討下呢個問題。
約會案例 (一) - 約會食飯埋單絕對AA制？
曾經有一個案例是，弟兄姊妹第一次係餐廳見面約會，其間一切都無咩特別，正常交流。不過，聽返姊妹講埋單個時，姊妹當時覺得自己出一份都好應該，亦主動係弟兄埋單時講不如大家一人一半 (AA制)。
補充返，以下的實際數字忘記，只係大概，了解事件就可以了。由於結賬時姊妹睇唔清楚張單幾多錢，大概見到好像25x咁上下，所以姊妹主動俾$130給弟兄。不過去到呢個位，弟兄竟然回覆佢一句：係$26x，所以應該$13X。非常精準地分攤餐費。
約會案例 (二)：約會預算過於限制 揀平價餐廳約會
另外一個相關案例，同樣係第一次約會，一位弟兄和一位姊妹女士第一次約會，這位弟兄選擇了一間他認為是高級的茶餐廳作為約會地點，當了解過後後，作為約會顧問都出言表示第一次見面的話，不如轉地方比較好呢。不過由於呢位弟兄既堅持，亦為呢間餐廳既環境講左唔少好說話，例如如何適合約會，有卡位等等。所以確定地點前，我地都徵詢了姊妹的意見，她表示對此覺得也可以接受。
到達約會當天，姊妹到達後弟兄亦已預備了餐廳當天的下午茶菜單給姊妹。
講多了，直接講結賬的情況吧。當天餐費總額其實都幾優惠，畢竟係下午茶相當抵食，埋單六十零蚊左右，然而，當弟兄主動付款時，拋左一句俾姊妹，而呢句說話讓姊妹覺得有些詫異。弟兄對姊妹講：妳俾$20就ok啦，其餘的等我來俾啦，弟兄講呢句話既時候，仲覺得自己相當大方。
餐費帶出姊妹的真實感受 關心的是什麼
以下的內容不是以顧問口吻，而是由姊妹跟進後帶出的真實感受，總共有幾方面的。
餐費的精準計算：過於計較的態度
案例一的姊妹，雖然姊妹主動提出支付一半餐費，但弟兄對於結賬金額的精準要求可能會讓她有些驚訝。對姊妹來說，重點真不在於那幾蚊的差異，而是弟兄對這個差異既關注讓姊妹覺得會否過於斤斤計較。好直覺地懷疑，呢種態度會延伸到其他的生活層面，例如物品既分配、其他不同洗費等。
所延伸的相處與生活態度
姊妹會覺得呢種相處方式會延伸到和生活層面弟兄相處上，例如日常消費、家庭開支、節日禮物方面都會有明顯既分歧。所以在於以建立情侶關係方面，姊妹會擔心過於計較的態度會唔會影響關係和生活品質。
約會餐廳安排與處理 男士會過於自我感覺良好
雖然呢位弟兄選擇的是一間他認為”高級”的茶餐廳，但實際上，這間只係價格較低但稍微高出一些的茶餐廳，作為第一次約會並不適合呢，即使他意見也仍然堅持。
有時候約會唔一定要很高級的地方見面，若然覺得餐費會帶黎負擔，不如大家可以以第二種方式進行約會，例如行下藝術館、展覽，或者有趣而消費不高的地方也可以，如果以進餐為主要，地方的選擇也需要有稍微講究。
餐費處理部份建議
那句妳俾$20就OK啦。呢句如果同朋友食飯，完全無問題。但如果用係與姊妹 (女士) 約會上真係大扣分，一點也不大方，因為反而令姊妹 (女士) 覺得$20都計，同個案$10其實差不多，再加上選擇在茶餐廳約會，整體的行為可能會讓姊妹 (女士) 覺得被貶低或不受尊重，無誇張。如果是我本人，我甚至會直接請返弟兄轉頭。
男士在約會中是否需要請食飯 顧問建議
未知弟兄最初是打算請客還是也有AA制的心態，因為在跟進的時候姊妹表明不要讓弟兄知道我們在這跟進上的了解，所以並沒有就此事與弟兄直接溝通，只能在有機會時用其他方法表達吧。
究竟男士請食飯定女士AA制比較好？都無一個好特定既答案，但都可以講俾大家知，某程度上係男女約會入面彼此觀察既事件之一，究竟係點好？視乎返您係係弟兄 (男士) 定係姊妹 (女士)，如果您係重視呢個約會，就係返自己既角色入面盡量表現好啲，不是叫您虛假又或者造作。同時，可以係呢次觀察返對方的態度及給您的印象，不要計劃較第一次吧。
約會進餐 體現大方和尊重
其實拍拖食飯AA制係現時約會文化其實都唔係唔俾接受 (起碼1+1現時的姊妹，大多可接受)，不過不過，係第一次約會黎講，如果弟兄可以主動支付餐費黎講都係一種展現尊重及大方既表現。然而，如果對方堅持AA制夾返一份，弟兄當然可以接受，又或者表示留待下一餐才請，只不過咁精準去計算反而會令人覺得斤斤計較。
男士有直接付款的心理準備較好
呢一段既意思並唔係話一定要弟兄 (男士) 食飯一定要俾全費，而係如果有呢個心理準備比較好，除非餐飯好貴啦 (補充1+1唔會安排貴價餐廳)。
往往要男士付款的心態源起
究竟點解成日都聽到出街應該男仔俾錢，唔好講食飯，行街睇戲都要男士俾，我地又探討一下。
傳統男士經濟能力較好
在過去的社會，男性往往被視為家庭的經濟支柱。所以當男士與女性出去約會或吃飯，通常會負責支付。當時黎講，女性的經濟狀態較為有限制。因為咁，所以傳統的男性俾錢既習慣影響到現在，都算係一個幾深遠既影響。
現代社會 女士經濟能力不遜於男士
不過隨著社會進步，以及女性經濟狀態同以往大不同，所以習慣同埋期望都一路有改變。不過係呢方面，我地同過唔同既弟兄姊妹溝通，大家都仍然會有唔同既睇法，無一個好明確既相同諗法。男仔俾定女仔俾，大家都有各自既意見。(所以以上都係一個小小既個人睇法同意見)
約會食飯俾錢
一場良好的約會安排，對於弟兄 (男士) 黎講，重要既係在約會過程中展現出尊重約會及對方的態度。如果覺得餐應消費過高，可以揀一間價格親民一些但有心思既地方。不過其實除左係咪請對方食飯呢一點之外，有誠意既約會方式都仲包括左其他原素。不過暫且唔係呢篇內容講了。反而都想講下姊妹 (女士) 係餐費上既心態，俾少少時間我稍後再補充一下。寫住咁多先。
食飯付款常見問題
Q1: 現代的約會中，誰應該付款？
A1: 在現代的約會中，誰應該付款並不應該只由性別決定。許多人認為，這應該是雙方共同討論並達成一致的事情。
Q2: 如果我是女性，我可以主動付款嗎？
A2: 當然可以。在現代社會，您可以係約會中提出ＡＡ制，1+1的弟兄中有不少欣賞姊妹主動提出AA制，弟兄在意的不是付款的金錢，而係約會中姊妹的態度
Q3: 如果男性堅持付款，我應該如何反應？
A3: 如果弟兄 (男士) 堅持付款，您可以禮貌地謝謝他。或可以表示下一餐請客。